جوڤيا تطبيق هدايا في جدة يتيح للناس إهداء تجارب مميزة، توصلهم في صندوق هدية أو كهدية رقمية. عرّف عملاء جدد بعلامتك التجارية ووسّع نطاق أعمالك بدون أي ضغط إضافي على فريقك.
توصل لناس ما كانو بيعرفوك، عن طريق الهدايا اللي يرسلوها لأهلهم وأصحابهم.
تجربتك تصير هدية لأعياد الميلاد والذكريات والشكر وكل مناسبة.
الانضمام لجوڤيا مجاني. نكسب بس لما تنهدى تجربتك.
نجهّز الباقات معك، وما ينزل شي قبل ما توافق عليه في لوحة الشركاء.
منشورات وصور جاهزة لتجربتك، بأسلوب جوڤيا.
سوّ عرض لفترة محدودة أو شارك كود خصم مع عملائك.
السعر والمحتويات وشروط الحجز، نتفق عليها سوا.
راجع كل باقة في لوحة الشركاء، وبعدها تنزل.
تجربتك تنشرى من التطبيق وتوصل كهدية.
تحقق من كود القسيمة في لوحة الشركاء وقدّم التجربة.
اطلب مدفوعاتك مرة بالشهر عن القسائم اللي أكّدتها.
باقاتك وقسائمك ومدفوعاتك وعروضك في brand.jovia.gifts. من الكمبيوتر أو الآيباد أو الجوال، بالعربي أو الإنجليزي.
عندك سؤال ثاني؟ قدّم من هنا ونرد عليك مع طلبك. شريك معنا من قبل؟ راسلنا عبر نموذج التواصل.
جوڤيا أول تطبيق لإهداء التجارب في جدة. بدل منتج ثاني، الناس يهدو لحظة: يوم سبا، عشا، يوم في البحر، ورشة. وكل هدية توصل في صندوق جوڤيا أو كهدية رقمية تنفتح على الجوال.
البراندات اللي تقدم تجارب مميزة وفريدة: مطاعم، سبا وعناية، مغامرات، ورش، إقامات وخدمات ثانية ما يقدر الواحد يشتريها لنفسه بسهولة. ولازم نشاطك يطابق معايير الجودة عندنا.
لا. ما فيه رسوم إدراج ولا أي تكلفة مقدمة. جوڤيا تشتغل بالعمولة، يعني نكسب بس لما تنهدى تجربتك.
نراجع طلبك حسب معايير الجودة عندنا، ونرد عليك خلال أسبوعين.
نرسل لك اتفاقية الشراكة توقّعها عن طريق SignNow، بالعربي والإنجليزي. وبعدها يوصلك مجلد Google Drive خاص فيك ترسل فيه شعارك وصورك ومستنداتك، مثل السجل التجاري وشهادة الضريبة.
عادةً من أسبوع لأسبوعين، حسب سرعة وصول المواد والاتفاقية الموقعة.
إحنا نكتب الوصف والشروط بالعربي والإنجليزي، وأنت توافق عليها.
مو شرط، بس ننصح فيها. الباقة أو العرض اللي ما يلقاه الناس إلا في جوڤيا يبرز أكثر في التطبيق.
لوحتك الخاصة في brand.jovia.gifts، من الكمبيوتر أو الآيباد أو الجوال، بالعربي أو الإنجليزي. فيها تقدر:
لما يوصلك الضيف، افتح لوحة الشركاء، اضغط إدخال الباركود واكتب الرقم المكوّن من 12 خانة على قسيمته. تأكد من الباقة واسم الضيف وتاريخ الصلاحية، وبعدها اضغط تأكيد واستخدام القسيمة. وتنتقل على طول للمدفوعات.
مرة بالشهر، حدد القسائم اللي أكّدتها في لوحة الشركاء وارفع فاتورة وحدة لها. تقدر تتابع كل طلب لين ينصرف، وتلقى كل دفعة مع قسائمها وفواتيرها في المبيعات.
إيه. من العروض تقدر تنزّل سعر باقة لمدة تصل لـ 30 يوم، أو تسوي كود خصم تشاركه في انستقرام أو موقعك أو محلك. نراجع كل واحد قبل ما يشوفه العملاء، وتقدر تتابع كل استخدام وتوقفه متى ما بغيت.
إيه. قل لنا وش تبغى تغيّر عبر نموذج التواصل ونحدّثها معك. والتغيير ينزل بعد موافقتك.
نراجع كل شريك قبل ما ينضم، والضيوف يقيّمو تجربتهم بعدها. وتقدر تقرأ تقييماتهم وتعليقاتهم في لوحة الشركاء.
البراندات الجديدة تقدر تقدّم من هنا. والشركاء يقدرو يراسلونا عبر نموذج التواصل أو على واتساب +966 50 604 6626.